వక్ఫ్ బోర్డు సవరణ బిల్లు 2024 | Waqf Amendment Bill 2024 | Udyoga Varadhi

Waqf Amendment Bill 2024!

Waqf Amendment Bill 2024 – ప్రస్తుతం దేశం లో వక్ఫ్ బోర్డు అనేది చర్చనీయాంశం. అసలు ఈ వక్ఫ్ బోర్డు అంటే ఏంటి?  ఇది ఏ చట్ట పరిధిలో పని చేస్తుంది? ఈ వక్ఫ్ బోర్డు Amendment Bill 2024 ఏంటి? వక్ఫ్ బోర్డు లో ఎవరు మెంబెర్లుగా ఉంటారు? దీని పరిధిలో ఉండే భూములు మరియు ఆస్తుల గురించి మనము తెలుసుకుందాం.

పార్లమెంట్లో వక్ఫ్ అమెండ్మెంట్ బిల్ 2024,  ను ప్రవేశపెడుతున్న కేంద్ర మంత్రి కిరణ్ రిజిజు, పార్లమెంట్ అఫైర్స్ అండ్ మైనారిటీ అఫైర్స్ 

భారతదేశం లో భూముల పరంగా అత్యంత ఎక్కువగా కలిగి ఉన్నవి (దాదాపుగా)

1. ఇండిన ఆర్మీ                              –        18 లక్షల ఎకరాలు
2. ఇండియన్ రైల్వేస్                       –        12 లక్షల ఎకరాలు
3. వక్ఫ్ బోర్డు                                –        10 లక్షల ఎకరాలు

వక్ఫ్ బోర్డు :

తెలంగాణ రాష్ట్ర వక్ఫ్ బోర్డుతో సహా భారతదేశంలోని వక్ఫ్ బోర్డులు వక్ఫ్ చట్టం, 1995 ప్రకారం స్థాపించబడి పనిచేస్తాయి.

Waqf Act, 1995 – ఈ చట్టం భారతదేశంలో వక్ఫ్‌లు (ముస్లిం ఎండోమెంట్‌లు) మరియు వక్ఫ్ బోర్డుల పనితీరును నియంత్రించే ప్రాథమిక చట్టం.

• Waqf Act, 1954: భారతదేశంలో వక్ఫ్ బోర్డులను అధికారికంగా ఏర్పాటు చేయడానికి ఇది ప్రాథమిక చట్టం.

• Waqf Act, 1995: వక్ఫ్ ఆస్తులను లేఖించడానికి (Survey) మరింత కఠినమైన నియమాలను తీసుకొచ్చింది.

• Waqf (Amendment) Act, 2013: వక్ఫ్ బోర్డులకు అధిక అధికారాలు కల్పించింది.

తెలంగాణ గ్రూప్ 1 ఫలితాల విశ్లేషణ

Join Our Telegram Channel For More Job Updates

సెంట్రల్ వక్ఫ్ కౌన్సిల్ :

భారత ప్రభుత్వ చట్టబద్ధమైన సంస్థ అయిన సెంట్రల్ వక్ఫ్ కౌన్సిల్ కూడా వక్ఫ్ చట్టం, 1995 ప్రకారం పనిచేస్తుంది.

వక్ఫ్ బోర్డు అనేది వక్ఫ్ చట్టం కింద స్థాపించబడిన ఒక చట్టబద్ధమైన సంస్థ, ఇస్లామిక్ చట్టం ప్రకారం మతపరమైన లేదా దాతృత్వ ప్రయోజనాల కోసం అంకితం చేయబడిన వక్ఫ్ ఆస్తుల నిర్వహణ, నియంత్రణ మరియు రక్షణకు బాధ్యత వహిస్తుంది.

“Waqf” అంటే ఇస్లామిక్ చట్టం ప్రకారం – వక్ఫ్ అనేది స్వచ్ఛందంగా, శాశ్వతంగా, తిరిగి మార్చలేని విధంగా తన సంపదలో కొంత భాగాన్ని – నగదు లేదా వస్తు, ఆస్తుల రూపంలో – అల్లాహ్ కు అంకితం చేయడం . ఒకసారి వక్ఫ్ అయిన తర్వాత, అది ఎప్పటికీ బహుమతిగా ఇవ్వబడదు, వారసత్వంగా పొందబడదు లేదా అమ్మబడదు. ఇది అల్లాహ్ కు చెందినది మరియు వక్ఫ్ యొక్క కార్పస్ ఎల్లప్పుడూ చెక్కుచెదరకుండా ఉంటుంది.

• Waqf చేసే వ్యక్తిని వకిఫ్ (Waqif) అంటారు.

• వక్ఫ్ ఆస్తిని నిర్వహించే వ్యక్తిని “ముతవల్లి” అంటారు.

తెలంగాణ రాష్ట్ర వక్ఫ్ బోర్డు తెలంగాణలోని  ముస్లిం సమాజం యొక్క ముస్లిం ఎండోమెంట్ (వక్ఫ్) ఆస్తులు, వక్ఫ్ సంస్థలు మరియు వివాహ రికార్డుల ప్రత్యేక వ్యవహారాలను నిర్వహించడానికి, నియంత్రించడానికి మరియు రక్షించడానికి 1954 కేంద్ర చట్టం ద్వారా స్థాపించబడిన బోర్డు.

వక్ఫ్ బోర్డు ను ఎవరు నియంత్రిస్తారు ?

సెంట్రల్ వక్ఫ్ కౌన్సిల్ అనేది మైనారిటీ వ్యవహారాల మంత్రిత్వ శాఖ పరిపాలనా నియంత్రణలో ఉన్న ఒక చట్టబద్ధమైన సంస్థ, ఇది 1964లో వక్ఫ్ చట్టం, 1954లో ఇచ్చిన నిబంధన ప్రకారం వక్ఫ్ బోర్డుల పనితీరు మరియు వక్ఫ్ యొక్క సరైన పరిపాలనకు సంబంధించిన విషయాలపై కేంద్ర ప్రభుత్వానికి సలహా సంస్థగా ఏర్పాటు చేయబడింది.

NTPC గ్రీన్ ఎనర్జీ లిమిటెడ్ లో ఉద్యోగాలు

వక్ఫ్ బోర్డుల పాత్ర :

• వక్ఫ్ బోర్డు లు మసీదులు, దర్గాలు, స్మశానవాటికలు, పాఠశాలలు, కళాశాలలు, ఆసుపత్రులు మరియు ఇతర ధార్మిక సంస్థలతో సహా వక్ఫ్ ఆస్తులను నిర్వహిస్తారు.

• వక్ఫ్ హోల్డింగ్‌ల నుండి వచ్చే డబ్బును వారు ఉద్దేశించిన ప్రయోజనాల కోసం ఉపయోగించారని వారు నిర్ధారిస్తారు.

• ఈ వక్ఫ్ బోర్డు లు వక్ఫ్ ఆస్తులను ఆక్రమణ లేదా దుర్వినియోగం నుండి కాపాడడం జరుగుతుంది.

వక్ఫ్ సవరణ బిల్లు తో చట్టంలో తీసుకువచ్చే మార్పులు :

సెక్షన్	వక్ఫ్ చట్టం 1995	వక్ఫ్ సవరణ చట్టం 2024	వచ్చే మార్పు
సెక్షన్ 4 – వక్ఫ్ ఆస్తుల సర్వే	ఇప్పటి వరకు సర్వే కమిషనర్ వక్ఫ్ ఆస్తులను గుర్తించేవారు	2024 సవరణ ప్రకారం, జిల్లా కలెక్టర్ వక్ఫ్ ఆస్తులను పరిశీలించి నివేదిక ఇవ్వాల్సి ఉంటుంది	దీనివల్ల వాస్తవిక ఆస్తుల గుర్తింపు జరుగుతుందని ప్రభుత్వం చెబుతోంది
సెక్షన్ 32 – వక్ఫ్ బోర్డు అధికారాలు	వక్ఫ్ బోర్డుకు అనేక కార్యనిర్వహణ అధికారాలు ఉన్నాయి, వక్ఫ్ బోర్డు అనుమతి లేకుండా వక్ఫ్ ఆస్తిని కెప్టైజ్ (Encroach) చేయరాదు అని స్పష్టంగా పేర్కొంది	2024 సవరణ ద్వారా కొన్ని అధికారాలు కలెక్టర్‌కి ఇవ్వబడతాయి	వక్ఫ్ బోర్డు అధికారాలను నియంత్రించడం
సెక్షన్ 40 – వక్ఫ్ ఆస్తుల గుర్తింపు	మునుపటి చట్టం ప్రకారం, వక్ఫ్ బోర్డు స్వయంగా ఒక ఆస్తిని “వక్ఫ్ ఆస్తిగా” ప్రకటించే అధికారం కలిగి ఉండేది.	2024 సవరణ ప్రకారం, ఈ అధికారం జిల్లా కలెక్టర్‌కి బదిలీ అవుతుంది	ఇది వివాదాస్పదమైన మార్పులలో ఒకటి, ఎందుకంటే ప్రభుత్వం ఏదైనా ఆస్తిని వక్ఫ్ అని ప్రకటించే అవకాశం తగ్గిపోతుంది
సెక్షన్ 52 – వక్ఫ్ ఆస్తుల అక్రమ ఆక్రమణ	వక్ఫ్ బోర్డుకు అనుమతి లేకుండా ఏ ప్రభుత్వ సంస్థ, వక్ఫ్  ఆస్తిని ఉపయోగించకూడదు.	అక్రమంగా వక్ఫ్ ఆస్తులను ఆక్రమించే వారి మీద కఠినమైన చర్యలు తీసుకోవాలి.	వక్ఫ్ భూములను ప్రజా ప్రయోజానాల కోసం ఉపయోగిచుకోవడం
సెక్షన్ 83 – వక్ఫ్ వివాదాల పరిష్కారం	వక్ఫ్ సంబంధిత వివాదాలను పరిష్కరించడానికి ప్రత్యేకంగా వక్ఫ్ ట్రైబ్యునల్‌లు ఏర్పాటు చేయబడ్డాయ	2024 సవరణ ప్రకారం, ట్రైబ్యునల్ తీర్పును హైకోర్టులో 90 రోజుల్లోపు అప్పీల్ చేసే అవకాశం కల్పించారు.	వివాదాలను త్వరితంగా, న్యాయబద్దంగా పరిష్కరించడం
ల్యాండ్ అక్విజిషన్ చట్టం 2013	ఈ చట్టం ప్రకారం, ప్రభుత్వం ఎవరైనా వ్యక్తి లేదా సంస్థ యొక్క ఆస్తిని స్వాధీనం చేసుకునే ముందు తగిన న్యాయ పరమైన నిబంధనలు పాటించాలి	2024 వక్ఫ్ సవరణ బిల్లు ద్వారా ప్రభుత్వం తన ఆధీనంలో ఉన్న భూమిని వక్ఫ్ బోర్డుకు అప్పగించాల్సిన అవసరం తగ్గిపోతుంది	వక్ఫ్ భూములను ప్రజా ప్రయోజానాల కోసం ఉపయోగిచుకోవడం

IBPS క్లర్క్ ఫలితాల విడుదల

Conclusion :

• ఈ బిల్లు ద్వారా వక్ఫ్ బోర్డుల అధికారాలు తగ్గి, జిల్లా కలెక్టర్ల అధికారాలు పెరుగుతాయి.

• వక్ఫ్ ఆస్తుల నిర్వహణలో పారదర్శకత పెరగాలన్నది ప్రభుత్వ ఉద్దేశ్యం.

• ఈ సవరణ సెక్షన్ 40, 83, మరియు 52 వంటి కీలక నిబంధనలను మార్చడం వల్ల చట్టపరమైన వివాదాలు మరింత పెరిగే అవకాశం ఉంది.

Central Waqf Council

Waqf Act, 1995